Chegou o momento da
verdade para as Xuvenís coa Fase Interzonal que decidirá que equipos pelexarán
contra os últimos clasificados da Liga Galega por unha praza para a vindeira
tempada entre os mellores equipos Galegos, e non puideron comezar de mellor
maneira con dúas vitorias en dous partidos. Un que se disputou na xornada da
mañá ante o San Sadurniño, que se proclamaran recentemente campionas do Grupo
A, no que as nosas quedaran na cuarta posición. E a outra contra as segundas
clasificadas dos Grupo B o Concepción Arenal Burgas Voleibol.
Estas dúas vitorias
deixan as nosas en unha posición inmellorable para pasar de fase e intentar a
conquista de unha praza na Liga Galega, empresa que non vai ser doada xa que
este ano, estará mais caro ca nunca o poder acadala dada a igualdade existente
entre os equipos Zonais e o bo nivel que
ten a Liga Galega.
Club voleibol Atlético Boiro 3 - 2 Aldebarán San Sadurniño
(25-12/16-25/25-13/21-25/15-09)
Comezaban as nosas esta
fase na mañá do Sábado cun partido complicado contra o San Sadurniño, que as de
Ferrol Terra lles custou entrar nel, cometendo numerosas imprecisións en
recepción e ataque no primeiro set. Pola
contra as nosas mostraban un xogo serio e sen fisuras, esta circunstancia
propiciou que se abrira unha fenda considerable no marcador a prol das de
Boiro, que lles permitiu asinar o primeiro asalto sen problemas por 25-12.
No segundo as de San
Sadurniño axustaron a maquinaria e mostraron xa unha mellor versión de si
mesmas, reduciron considerablemente os erros e amosaban os dentes con boas
xogadas de ataque. Esta vez a fenda no marcador producíase para as visitantes,
e os erros eran cometidos polas nosas, chegando as de San Sadurniño os últimos
puntos con moita vantaxe e empatando o partido a un co 16-25 final.
 |
| O equipo xuvenil posando como equipo |
Con un reaxuste táctico
para intentar contrarrestar os ataques visitantes, comezaba o terceiro set no
que as nosas recuperaban sensacións similares o primeiro set, e tras un inicio
de parcial bastante disputado, as nosas lograrían distanciarse no tramo medio,
grazas a unha notable defensa apoiadas por un saque eficiente que as visitantes
tiñan problemas para poder recibir en boas condicións. As de Boiro tomaban vantaxe
no tramo medio, de xeito definitivo ata o 25-13 que adiantaba novamente as do
Atlético no partido.
Pero as de Ferrol Terra
aínda non dixeran a súa ultima palabra neste partido, comezaron o cuarto set
con lixeira desvantaxe no marcador, pero mantivéronse firmes e con un 16-13 a
favor das locais, lograron darlle a volta e situarse 16-21 con un parcial de
8-0 aproveitando un baixón das nosas en recepción xunto a unha boa defensa por
parte de elas. Finalmente un tímido intento de reacción por parte das nosas, levaría
a un intercambio de puntos que situaría o 21-25 que forzaba o 5º set de
desempate.
Un desempate no que as
de San Sadurniño renunciaron o ataque e agarráronse a posibilidade da defensa
esperando o fallo das de Boiro, pero con unha boa mentalidade dende o principio
as do Atlético case non cometían erros, iso propiciou que se viran puntos moi
longos e disputados que caian a favor das locais grazas a que propoñían mais en
ataque que as visitantes. Despois da igualdade nos primeiros puntos, con cambio
de campo 8-6 a favor das do Atlético, as nosas tomarían vantaxe con un
inmellorable 11-06 que non desaproveitarían e con un intercambio de puntos por
ambos lados, as nosas cerrarían un importante e disputado partido por 15-09.
Xogaron polo Atlético
Boiro: Celia Piñeiro , Carla Nine, Lara Costa, Rebeca Resúa, Eva Regades, Sara Lojo. Líberos: Sandra Castaño e Minerva Vázquez. Tamén dispuxeron dos seus
momentos: Ángela Alves e Claudia Gómez.
Club Voleibol Atlético Boiro 3 - 0 Concepción Arenal Burgas Voleibol
(25-08/25-20/25-15)
Presentábase en Boiro o
equipo Ourensan para a disputa no segundo partido da Fase Interzonal. Un equipo
que na tempada pasada lograra eliminar as nosas nesta mesma fase, pero esta vez
as nosas tiveron ocasión de resarcirse daquela derrota.
 |
| As xogadoras loitando na defensa |
Non foi un bo partido
por parte das do Atlético, pero lograron sacalo adiante sen problemas grazas o
acerto en saque, e un mellor oficio no xogo. O primeiro set comezou de xeito
estraño, con unha vantaxe de 07-0 a favor das do Atlético, que se vería neutralizada
polas Ourensáns por 7-8 a causa de erros inexplicables por parte das nosas,
tras un tempo morto solicitado polo adestrador local, as de Boiro retomarían os
folgos, e infrinxiulles as visitantes un terrible parcial de 18-0 debido a
incapacidade que mostraron para recibir os saques de Rebeca Resúa, que as
imposibilitaba para realizaren ataques de xeito óptimo e levabas a cometer
numerosos erros en ataque ou no mellor dos casos enviar bolas fáciles as locais
ocasionando situacións claras de contraataque que as nosas non desaproveitaban,
ata chegar a un claro 25-08.
O segundo set as
visitantes comezarían mais combativas, e con boa defensa e algo mais de ataque
mantíñanse a tiro de pedra das do Atlético ata o tramo medio no que as nosas
encadearon unha serie de erros en ataque e defensa unido a que as Ourensáns
estaban mais acertadas, serviulles para distanciarse en catro puntos con 16-20
que acendía as alarmas nas locais e parecía que o set ia caer do lado das
Ourensáns, pero as nosas reaccionaron, lograron mellorar xusto a tempo e darlle
a volta a situación co 25-20 que situaba o 2-0 no partido.
O terceiro set
desenvolveuse de xeito plácido para as nosas, distanciándose dende o inicio,
unha tímida reacción por parte das visitantes no tramo medio, logrou acurtar
distancias levemente pero non foi suficiente e as do Atlético asinaban a súa
segunda vitoria desta Fase co 25-15 do terceiro set, situaba o 3-0 definitivo.
Xogaron polo Atlético Boiro: Celia Piñeiro, Carla Nine, Lara Costa, Rebeca Resúa, Ángela Alves, Sara Lojo. Líbero: Sandra Castaño. Tamen xogaron: Eva Regades, Minerva Vazquez e Claudia Gómez.
Para a vindeira semana
as Xuvenís visitan a cancha do ALDEBARÁN SAN SADURNIÑO, no terceiro partido
correspondente a Fase Interzonal, o Sábado 14 de Marzo as 11:00 h. No Municipal
de San Sadurniño partido que pode ser clave, xa que no caso de ser acadado
aseguraría o primeiro posto as nosas, e evitaría o enfrontamento coas Novenas clasificadas
da Liga Galega, a priori o equipo mais difícil que podería tocar de cara o
ascenso.
.jpg)
