Resultados desta xornada

Equipo infantil feminino na ligas escolares:

Voleibol Atlético Boiro 0 - 3 CV Bacelos

(12-25/23-25/09-15)

As máis pequenas no campo

Partido disputado na mañá do Sábado no Pavillón Municipal de Noia, no que as mais cativas continúan coa súa aprendizaxe neste deporte, e a pesares de non lograren a vitoria, comeza a verse síntomas de mellora, se ben no primeiro set apenas puxeron resistencia, no segundo e terceiro, contestaban o xogo das súas contrincantes e incluso tiveron opcións de levar o segundo set.

Xogaron: Naiara Suárez, Miranda Carou, Silvia Fernández, Nerea Fuentes, Ana Piñeiro, Tallitha Pereira, Laura Rodriguez, Zaida, Vázquez, Nerea Vázquez e Ainhoa Santos.

Equipo xuvenil feminino na liga zonal xuvenil:

Voleibol Atlético Boiro 3 - 1 Voleibol Maniotas

(25-16/25-12/20-25/25-13)

Partido xogado no Pavillón de Barraña na mañá do Domingo, no que o Atlético conseguiron a 7ª vitoria da tempada, que a sitúa no grupo de cabeza da Liga Zonal Xuvenil.

Comezaron o primeiro set con moita seguridade no xogo, froito de iso deu lugar a que se despegaran dende o principio, con unha vantaxe ampla que facía posible realizar o adestrador local numerosos cambios para que xogaran as menos habituais, navegando de xeito plácido ata a vitoria do parcial.

O segundo set foi un calco do primeiro, un Atlético Boiro que sabía a que xogaba, distanciábanse amplamente no marcador, e posteriores cambios, dando oportunidade para xogar a todas. Transcorrendo o set de xeito plácido ata o 25-12.

Celia Piñeiro colocando

Mais no terceiro set as nosas relaxáronse excesivamente, dando lugar a que as xogadoras de Cangas se distanciaran en 8 puntos no tramo inicial, excesivamente erráticas en recepción as nosas, fixo que as visitantes colleran amplas vantaxes, con marcador en 12-20 as locais tentaron de reaccionar, pero foi demasiada marxe concedida, e as do Morrazo cerraban o terceiro parcial 20-25.

No cuarto set volveron as augas o seu sitio, e dominaron o set de principio a fin grazas a que axustaron a recepción e melloraron considerablemente o xogo, que foi mais parecido os dous primeiros parciais. Finalmente pecharon o partido co 25-13 que situaba o 3-1 final.

Nova vitoria, pero con sabor agridoce, debido o mal xogo realizado no terceiro set, hai que tomar nota de esta experiencia para un futuro, non pode haber tal relaxación, xa que se isto ocorrese en outras circunstancias e con outro equipo, poderíase acabar pagando moi caro.

Xogaron: Celia Piñeiro, Ángela Alves, Mayra Resúa, Rebeca Resúa, Lara Costa, Sara Lojo. Líberos: Noelia Marió e Sandra Castaño. Tamén xogaron: Carmen Gey, Esther Sánchez, Silvia Suárez e Lara Gómez.

Equipo senior feminino na Segunda B autonómica:

Voleibol Atlético Boiro 1 - 3 Emeve Elide

(25-21/12-25/10-25/23-25)

A falta de fe no triunfo condenou a o equipo Sénior en un partido que empezaban de xeito brillante, realizando o que probablemente o mellor xogo da tempada, moi seguras en tódalas facetas do xogo, dominando as súas contrincantes, de principio a fin ata un merecido 25-21.

Lidia Pereiras atenta na recepción

No segundo parcial volveron as pantasmas de anteriores partidos, mostrándose totalmente inoperantes en recepción, o que facía imposible a construción de xogadas, isto fixo que as xogadoras de Lugo se distanciaran de xeito amplo e pechasen o segundo parcial con comodidade 12-25.

O terceiro set foi un calco do segundo, distanciamento inicial das do Emeve por causa da mala recepción das locais, que facía que lles transcorrera o set de xeito plácido, sen apenas resistencia local, ata o final 10-25.

No cuarto set cambiaron as cousas, as locais subiron a intensidade no xogo, e melloraron considerablemente no apartado da recepción. Realizando un xogo que por momentos recordaba o do primeiro set, facía que mantiveran en avantaxes  de 3 e 4 puntos, ata chegar a un 23-20 que parecía que se ían a ir o 5º set para decidir o partido, pero a falta de confianza e de fe no triunfo amordazou o xogo das locais, que acababan cedendo 23-25.

Cabe destacar a actuación en este partido de Lidia Pereiras, que estivo moi atinada en tódalas accións, mostrándose moi centrada e regular en tódalas facetas de xogo.

Segue mellorando o xogo do equipo Senior, segundo parcial conseguido na tempada, pero aínda seguen pecando de irregularidade, se ben no primeiro set e mais no cuarto mostraron unha boa imaxe, no segundo e terceiro non foron quen de dar a talla nin de ser competitivas, e mais aínda están faltas de convicción no triunfo, nos puntos decisivos, feito que as fai acabando sucumbir por causa dos nervios.

Xogaron: Celia Piñeiro, Ángela Alves, Sara Lojo, Rosana Ramos, Lidia Pereiras, Ángela Fernández. Líbero Noelia Mariño. Tamén dispuxeron da súa oportunidade: Rebeca Resúa, Lara Costa, Mayra Resúa, Patricia Rodriguez e María Pérez.