Resultados desta xornada

Equipo xuvenil feminino na liga zonal:

IES de Ames C 0 - 3 Voleibol Atlético Boiro

(22-25/20-25/15-25)

Partido disputado na tarde do Sábado, no que non se caracterizou o bo xogo por parte de ningún equipo, marcando as diferenzas as nosas na maior parte das veces co acerto en saque, e por veces mostrando unha mellor orden no xogo e precisión nas xogadas, o adestrador do Atlético a sabendas da teórica inferioridade das xogadoras locais, deulle oportunidade as menos habituais neste partido.

As xogadoras a espera do saque

Comezaba o primeiro set co típico tanteo inicial, no que ambos equipos cometían bastantes imprecisións, ata o punto 10 no que o equipo de Boiro se distanciaba no marcador grazas o acerto en saque, destacando nesa faceta Rebeca Resúa, que o seu saque resultáballes complicado de recibir as xogadoras locais. O resto do set transcorreu de xeito plácido para o equipo Boirense ata os últimos puntos, no que a relaxación do Atlético, propiciou que as locais se acercasen no marcador, pero sen que en ningún momento chegase a perigar o set, ata o 22-25 final.

No segundo set, o adestrador visitante continuou cos cambios no equipo, pero o set transcorrería do mesmo xeito que o primeiro, pero acusando mais a relaxación se cabe no tramo final, xa que con unha vantaxe favorable as Boirenses de 12-22, permitiron que se achegaran ata a vintena. Pero finalmente o set caeu tamén do lado visitante 20-25.

No terceiro set o adestrador do Atlético decidido a que non se prolongase mais o partido, saltou a pista decidido a non facer mais provaturas e a tratar de pechar o encontro pola vía rápida. Neste set puido verse un mellor xogo por parte das nosas, pero sen que se prodigasen tampouco, distanciándose amplamente dende o principio ata o final 15-25.

Xogaron polo Atlético Boiro: Celia Piñeiro, Sara Lojo, Silvia Suárez, Rebeca Resúa, Lara Costa e Paola Joaquin, como liberos Noelia Mariño e Sandra Castaño. Tamén dispuxeron da súa oportunidade de xogar: Mayra Resúa, Carla Nine e Esther Sánchez.

Equipo senior feminino na Segunda B autonómica:

C.V.Santiago 3 - 0 Voleibol Atlético Boiro

(25-19/25-20/25-19)

Partido que se disputou na mañá do Domingo no Pavillón do Restollal, na capital Galega, no que as xogadoras do Atlético Boiro a pesares da clara derrota ante as terceiras clasificadas da liga, melloraron a imaxe respecto as dúas anteriores xornadas, e ofreceron xogo as locais, viuse en moitas ocasións puntos disputados, e igualdade por momentos.

As rapazas atentas para a defensa

O primeiro set arrancou con igualdade no tanteador, sentíanse animosas e con gañas de xogar as Boirenses, e ofreceron a mellor versión de si mesmas. Isto propiciou que os siadeiros que acudiron a ver o partido non se aburrisen dende a bancada e puidesen ver algo de xogo. O set transcorreu con igualdade máxima ata o punto 19 no que a falta de mentalidade gañadora da que ainda peca este grupo, levounas a cometer imprecisións que fixo que as Santiaguesas, moi seguras de si mesmas pecharan o primeiro parcial. 19-25.

O segundo set foi un calco do primeiro, moita igualdade en xogo e tanteador, ata o tramo final, que no punto 20 volveron a aflorar os nervios e a falla de confianza, que as xogadoras locais non deixaron de aprobeitar para cerrar o set sen atrancos, o que facía que a situación fose bastante paradóxica, xa que tanto no primeiro coma no segundo set, vendo a igualdade que había non facía presaxiar un desenlace tan fácil para as locais. Finalmente caeu para as Santiaguesas 20-25.

No terceiro set o adestrador do Atlético Boiro realizou tres cambios con respecto o equipo que saltou a cancha nos dous sets anteriores, e estes cambios non resultaron mellorar o que había e fixo que as xogadoras locais se distanciasen amplamente dende o principio, no tramo final as Boirenses tentaron de reaccionar e recortaron distancias, pero esa reacción chegou tarde e as do C.V. Santiago pecharon o set definitivo sen pasaren apuros 19-25.

As xogadoras senior deron outra imaxe neste partido, mostrando cualidades que en outros encontros non o facían debido a falta de motivación que tiñan, veuse unha actitude mais animosa e de compañeirismo, que fixo que se traducise en un nivel de xogo considerablemente mellor que en outras xornadas, pero segue pecando de inocencia nos puntos decisivos, con toda seguridade debido a falla de confianza en si mesmas. 

Xogaron: Celia Piñeiro, Carla Nine, María Pérez, Rosana Ramos, Lidia Pérez e Ángela Fernández, como líberon Sandra Castaño. Tamén tiveron a oportunidade: Lara Costa, Andrea Baña e Rebeca Resúa.