martes, 11 de febreiro de 2014

Resultados desta xornada

Equipo infantil feminino no deporte escolar:
E.D. Lousame 3 - 0 Voleibol Atlético Boiro
(25 - 13 / 25 - 15 / 15 - 10)

As máis pequenas a espera do saque
Partido disputado na mañá do Sábado, no que as Infantís pouco a pouco lle van tomando o pulso a competición e a responder o xogo de equipos formados por xogadoras da súa mesma idade pero con algo mais des experiencia previa, xa que a gran maioría das nosas xogadoras non levan nin un mes adestrando e neste partido debutaban por primeira vez  tres de elas.
Queda moito que traballar con estas rapazas, que en un futuro moitas de elas esperemos poder velas pasar por todas as categorías do noso Club. E de seguro que formarán co tempo un grupo exitoso.
Xogaron: Naiara Suárez, Miranda Carou, Silvia Fernández, Nerea Fuentes, Ana Piñeiro, Tallitha Pereira, Laura Rodríguez, Zaida Vázquez e Nerea Vázquez.    

     
 Equipo xuvenil feminino na liga zonal xuvenil:
C.V. Pontevedra B 0 - 3 Voleibol Atlético Boiro
(14-25/23-25/23-25)

Novo triunfo a domicilio do equipo xuvenil, deixando unha vez mais patente a súa espectacular progresión, ante un equipo que na primeira volta en Barraña nos superara de xeito claro.
Comezou o primeiro set, coas nosas xogadoras moi enchufadas dende o principio, desplegando un xogo sólido e sen fisuras, desarmando por completo o equipo local, que seguramente non esperaba esa proposta de xogo por parte das nosas, grazas a iso  o equipo Boirense logrou tomar unha ampla vantaxe ata o 14-25.
Lara Costa no saque
Mais no segundo set igualouse mais o partido, as xogadoras locais saíron animosas, iso unido a que as xogadoras o Atlético non saíron tan centradas como no primeiro parcial, deu lugar a vantaxes de 3 e 4 puntos por parte das Pontevedresas, o resto do set transcorrería con puntos longos e moita igualdade ocasionado polo espírito de loita das locais, que non daban un balón por perdido, mentres as nosas mostraban unha mellor orde no xogo e recortaban distancias no marcador lentamente, ata que unha serie de erros non forzados puxo o marcador en 22-19 para as locais, momento no que o adestrador de Boiro solicitou un tempo morto, foi cando as do Atlético saíron decididas a non deixar escapar o set, e con melloramento en tódolos aspectos, lograron igualar o marcador a 23, e os nervios das xogadoras locais fixeron o resto do traballo 23-25.
No terceiro set, as xogadoras do Atlético saíron decididas a pechar o partido, a sabendas  de que se encaixaban un set podería darlle vida as locais e poder pasar moitos apuros despois. Comezaron mandando no marcador en 3 e 4 puntos, pero as locais non se querían render e lograban igualar o marcador repetidas veces para que as nosas empeñadas na vitoria arremetesen novamente para volver a situar a avantaxe no marcador, esta circunstancia daría lugar a disputa de puntos moi longos e por momentos emocionantes durante todo o set, ata chegar a un 22-24 que concedía dúas bolas de partido para as Boirenses, que se lograría a segunda grazas a un erro das locais, 23-25, que pechaba o encontro con unha vitoria merecida  en un partido moi disputado a pesares do 0-3.
Cabe destacar a aportación en saque que fixeron as dúas centrais do Atlético Boiro Sara Lojo e Mayra Resúa con cada 3 puntos directos.
Xogaron: Celia Piñeiro, Carla Nine, Mayra Resúa, Rebeca Resúa, Lara Costa, Sara Lojo. Líberos: Sandra Castaño e Noelia Mariño. Tamén xogaron: Ángela Alves, Esther Sánchez e Silvia Suarez.


Equipo senior feminino na Segunda B autonómica:
Zona Libre Voleibol 3 - 1 Voleibol Atlético Boiro
(25-23/23-25/25-16/25-16)

Partido disputado na tarde do Domingo, despois de unha longa viaxe de mais de 2 horas, saltaban a pista as xogadoras do Atlético Boiro, animosas e con gañas de xogar, iso fixo que se vira moita igualdade nos dous primeiros sets, transcorreron de xeito similar, pero con distinto desenlace, xa que no primeiro se perdía pola mínima, gañando o segundo do mesmo xeito, o que supuxo o primeiro parcial que logra o equipo sénior nesta tempada.
María Pérez no bloqueo
e Rosana Ramos atenta para o apollo
Pero a partires do terceiro set o equipo foi a menos, debido a falla de concentración ocasionada pola inexperiencia de este grupo e mais tamén en parte o desánimo que producía unha arbitraxe mais que dubidosa que permitía o equipo local un toque de dedos na colocación moi pouco ortodoxo cometendo falta na gran maioría dos seus toques.
Estas circunstancias unidas a un público que deixaba moito que desexar en canto a modais e formas en animar as súas, foi un peso demasiado grande para unhas xogadoras tan novas coma as Boirenses que acabaron acusando no xogo e fixo que os dous seguintes parciais caeran do lado local por 25-16.
O equipo sénior empeza a mostrar signos de clara mellora, comeza a dar xogo o equipo contrario así coma a poñer algo de resistencia, pero aínda queda moito que mellorar, a este equipo tan novo, formado maioritariamente por xogadoras de primeiro ano de Xuvenil xunto con xogadoras sénior que non pasan dos 20 anos, situando a media do equipo entorno os 17, que apesares dos malos resultados que tiveron ata agora, lles serve para acumular experiencia neste deporte de cara a un futuro a medio e longo prazo moi prometedor.

Xogaron : Celia Piñeiro, Lidia Pereiras, María Pérez, Rosana Ramos, Ángela Alves e Ángela Fernández, como líbero Sandra Castaño. Tamén xogaron: Lara Costa, Sara Lojo e Rebeca Resúa.

Ningún comentario:

Publicar un comentario