Resultados desta xornada

Equipo infantil feminino no deporte escolar:

Voleibol Atlético Boiro 3 - 0 E.D. Padrón

(25-14/25-8/15-5)

As primeiras clasificadas da Liga Escolar, o equipo da Escola Deportiva de Padrón preséntouse a este partido soamente con 6 xogadoras, e a pesares diso gañaron ás nosas de xeito claro e moi merecidamente, non lle deron opción ningunha as nosas de facerse ca victoria.

Voleibol Atlético Boiro 0 - 3 IES de Ames
(11-25/24-26/9-15)

Partido disputado na mañá do sábado, no que as nosas xogadoras foron de menos a máis, con un primeiro set no que estiveron moi por debaixo das xogadoras de Ames, no segundo e terceiro estivo máis disputado, tendo as nosas unha oportunidade para gañar o segundo parcial, con unha bóla de set que se desperdiciou, finalmente non puideron evitar a derrota.

Xogaron: Naiara Suárez, Miranda Carou, Silvia Fernández, Nerea Fuentes, Ana Piñeiro, Laura Maneiro, Laura Rodríguez, Zaida Vázquez e Nerea Vázquez.

Equipo xuvenil feminino na liga zonal xuvenil:

Narón Volea 3 - 1 Voleibol Atlético Boiro

(27-25/25-18/17-25/25-20)

Derrota das xuvenís que rompen coa racha de vitorias consecutivas que viñan acumulando dende o inicio da segunda volta da competición. Mal partido, en xeral, das nosas xogadoras que acudían a este partido coas baixas de Carla Nine por lesión e Mayra Resúa por motivos familiares, no que a pesares do mal xogo mostrado tiveron as súas opcións de levarse unha vitoria, inda que non merecesen gañar.

O primeiro set comezaba ben para o equipo de Boiro, controlando todas as facetas do xogo, e mandando no marcador, ata mediado o set no que as nosas comezaron a mostrar moitas cadencias no apartado da recepción. As xogadoras de Ferrol Terra encontraban así unha maneira de puntuar, mediante o saque, xa que co xogo mostrábanse incapaces de superar as xogadoras do Atlético.

Sara Lojo e Celia Piñeiro no bloqueo

A imprecisión a hora de recibir das nosas, comezou a minar a moral e o xogo das xogadoras Boirenses, que terminou por levar o toque de graza ante a fatalidade de non poder aproveitar dúas oportunidades para levar o primeiro set, que caería do lado local con 27-25.

O segundo set comezou practicamente do mesmo xeito que o primeiro, ata a metade do mesmo cando volveu a aparecer as carencias na recepción do equipo visitante, feito que aproveitaron as locais para coller distancia mediante o servizo, que sería definitiva. 25-18

No terceiro set as xogadoras de Boiro melloraron lixeiramente a recepción e iso unido a que neste parcial as locais baixaron a efectividade do servizo, propiciou que as nosas non tiveran problemas en anotarse o terceiro parcial. 17-25

O cuarto set comezaba con igualdade, ata un 16-18 a favor das nosas, momento no que mostraron a peor versión de si mesmas, unha nulidade total no xogo, con erros en tódolos apartados do xogo, saque, recepción e ataque, un cúmulo de erros non forzados polo rival, que lles entregaba docemente a vitoria as locais. 25-20

Xogaron: Celia Piñeiro, Ángela Alves, Carmen Gey, Rebeca Resúa, Lara Costa e Sara Lojo, como líbero Sandra Castaño. Tamén xogaron: Noelia Mariño, Esther Sánchez, Lara Gómez e Silvia Mariño.

Equipo senior feminino na Segunda Autonómica B:

Narón Volea 3 - 0 Voleibol Atlético Boiro

(25-20/25-14/25-21)

Derrota do equipo sénior, ante un equipo, o de Narón, que unicamente se mostraban superiores no apartado de saque-recepción.

O primeiro set comezou, con moi bo xogo por parte das de Boiro, que facía que mandasen no marcador, despregando un xogo que era superior o que ofrecían as de Narón, pero a mediados do set, as nosas mostrábanse incapaces de recibir unha bóla en condicións para a construción da xogada, iso unido a mala dirección que comezou a mostrar no apartado da colocación, fixo que as xogadoras locais puntuaran de xeito fácil e se distanciaran no marcador de xeito definitivo ata o 25-20.

O equipo senior atento para a recepción

No segundo as de Boiro sacaron de repertorio de erros non forzados, en saque e ataque, feito que fixo que as locais levasen o set de xeito cómodo de principio a fin ata o 25-14.

O terceiro set foi unha repetición do primeiro, bo xogo das visitantes e posterior baixón en recepción que acababa acusando o xogo no tramo final, para que as xogadoras pechasen o partido co 25-21 final.

Xogaron: Celia Piñeiro, Sara Lojo, María Pérez, Rosana Ramos, Lidia Pereiras e Ángela Fernández, como líbero Noelia Mariño. Tamén xogaron Lara Costa, Rebeca Resúa, Patricia Rodríguez e Andrea Baña.