Resultados desta xornada

LIGA ZONAL XUVENIL FEMININA : 

C.V. PADRÓN 0 - 3 C.V.A.B.

(20-25/14-25/05-25)

Partido disputado na mañá do Sábado na vila de Padrón, no que as nosas Xuvenís sen despregar o seu mellor xogo foron quen de dobregar as xogadoras locais, que presentaban numerosas carencias de xogo, pero inda así mostrábanse combativas, indo de mais a menos a súa resistencia ante un xogo mais ordenado das nosas.

Esther Sánchez na defensa

Comezaba igualado o primeiro parcial, coas nosas un tanto tensas e agarrotadas, pola contra as de Padrón votando man de garra e actitude, mantiñan igualado o Tanteador ata o punto 18, momento no que grazas o acerto en saque de Carla Nine, que anotou numerosos aces durante todo o encontro. Propiciou un distanciamento no tramo final, que resultaría definitivo. 20-25.

No segundo parcial as xogadoras do Atletico, saíron mais soltas, debido a seguridade que lles propiciou o gañar o primeiro parcial, e as locais so puideron manter a igualdade no marcador ata o punto 10, momento no que as de Boiro se distanciaron de xeito amplo, con un xogo mais ordenado e seguro, non tiveron problemas de cerrar o segundo parcial 14-25

Co 0-2 no marcador, as xogadoras de Padrón baixaron os brazos e entregaron a culler dende o principio do terceiro set, mentres que as nosas moi seguras de si mesmas, navegaban de xeito plácido cara a vitoria, cerrando o parcial de un xeito amplo 05-25

XOGARON: Celia Piñeiro, Carla Nine, Silvia Suarez, Minerva Vázquez, Esther Sánchez, Sara Lojo e Sandra Castaño de Líbero. Tamén dispuxeron da súa oportunidade: Ángela Alves, Rebeca Resúa e a Infantil Eva Regades

LIGA ZONAL CADETE FEMININA: 

C.V. PADRÓN 3 - 0 C.V.A.B. 

(25-20/25-12/25-12)

Partido perdido de xeito claro, por parte das nosas xogadoras mais novas, que seguen coa súa adaptación a competición oficial, no que foi una constante durante todo o partido o desacerto no apartado da recepción e mais do saque, unido a falta de mobilidade de moitas das nosas xogadoras, que están dando os seus primeiros pasos neste deporte.

O equipo cadete no saque

Logrado o primeiro obxetivo de poder formar un grupo estable e amplo, xa que dispoñemos de 14 Xogadoras nesta categoría, mais de a metade de elas en idade Infantil. Agora so queda traballo e mais traballo con estas rapazas, que van ser o futuro de este Club, e de seguro que se traballan arreo, nos darán moitas tardes de ledicia.

XOGARON: Tallita Ricellys, Eva Regades, Vera Rodríguez, Ainhoa Santos, Minerva Vázquez e Lara Rodríguez. Tamén xogaron: Zaida Vázquez, Alexia Vázquez e Laura Maneiro

SEGUNDA DIVISIÓN B FEMININA 

C.V. SANTIAGO 1 - 3 C.V.A.B.

(18-25/25-16/15-25/18-25)

Chegou a primeira vitoria do equipo Sénior, da man de un partido moi serio ofrecido polas nosas xogadoras na mañá do Domingo, que se desprazaban a Santiago de Compostela para xogar contra o equipo local.

O equipo senior celebrando

Xa dende o comenzo saíron as nosas con outra actitude ben distinta con respecto a outros encontros, enchufadas dende o principio e con unha gran dose de motivación. Comezou o xogo con moita igualdade, con xogadas longas e disputadas,  as do C.V. Santiago dispoñían de superioridade por zona III, e sempre que podían, utilizaban ese recurso, pero esa superioridade quedaba compensada por parte das nosas, grazas a defensa, que esta vez si que era efectiva. A igualdade mantíñase no marcador ata que no tramo medio as nosas foron quen de distanciarse grazas a un maior acerto no saque apoiado pola boa defensa xa mencionada, ata situar o marcador no primeiro parcial en un esperanzador 18-25.

Mais no segundo set as xogadoras locais comezaron con forza, e asumindo riscos no apartado do saque lograron unha vantaxe considerable dende o comenzo, froito de iso apareceu a inseguridade nas nosas xogadoras, que as levou a cometer numerosos erros en recepción e ataque, sumado a 5 fallos en saque. Ante ese panorama, as Xogadoras do C.V. Santiago non tiveron problemas en sentenciar o segundo set, soamente maquillando un pouco o marcador as nosas no tramo final ata o 25-16 que igualaba o partido.

O terceiro set comezou do mesmo xeito que o segundo, coa inseguridade instaurada nas mentes das nosas xogadoras, a causa de iso, as do equipo local conseguiron unha vantaxe inicial de 11-3, parecía que as pantasmas de encontros anteriores volvían para minar a  confianza e o xogo das nosas. Foi entón cando se produciu un punto de inflexión no encontro, as xogadoras de Boiro tomaron as rendas do partido e xa non as soltarían mais, facendo alarde de unha actitude inquebrantable e unha defensa de escándalo, na que non daban un so balón por perdido, xunto a que lograron axustar a recepción, endosáronlle un tremendo parcial as xogadoras locais de 04-22 que as levou a conseguir o terceiro set por 15-25 e así se poñía o 1-2 no luminoso.

Despois de esta incrible remontada deu comezo o cuarto set, coas xogadoras locais visiblemente tocadas por estas circunstancias, inda así non se querían entregar e ofrecían moita resistencia no xogo e mantiñan a igualdade no tanteador, as nosas mais seguras de si mesmas, formaban piña e actuaban como un verdadeiro equipo, dábanse ánimos unhas as outras, e nos tempos mortos se respiraba un ambiente moi positivo de optimismo e convencemento de que se podía lograr a vitoria. Esta chegaría no tramo medio do set, cando as nosas Sénior foron quen de distanciarse no marcador e chegar ata o 18-25 que pechaba o encontro.

No apartado persoal non se pode destacar a ninguén, xa que tódalas xogadoras que participaron, rendiron a un bo nivel, hai que destacar o grupo, que deixando de lado egoísmos e pretensións persoais, foron quen de xogar coma un bo E Q U I P O.

XOGARON: Celia Piñeiro, Rocio Pouso, Begoña Treus, Rebeca Resúa, Lidia Pereiras, María Pérez e Esther Sánchez de Líbero. Tamen xogaron. Silvia Suárez e Eva Regades.