XORNADA NUMERO 11 DO SABADO 31.01.2015

LIGA ZONAL CADETE FEMININA

CLUB VOLEIBOL ATLÉTICO BOIRO – C.V. PADRÓN: 3-1 (22-25/25-22/25-15/25-14)

Despois de tanto traballo chegan as primeiras recompensas en forma de vitoria, a primeira que consigue este grupo Cadete formado fai menos de un ano. Ante un equipo, que non tivera problemas para derrotar as nosas no partido disputado na primeira volta, o que fai ver a progresión que está a experimentar este grupo, que a fin de contas, so se trata de un pequeno paso cara adiante, dos moitos que aínda teñen que dar estas rapazas.

Foi un partido no que a confianza e o xogo foi de menos a mais, en un primeiro set, no que eran incapaces de recibir os saques das de Padrón, de xeito óptimo, e lles impedía poder realizar xogadas. Unicamente se mantiñan con esperanzas grazas os saques de Eva Regades, que grazas os seus numerosos aces, facía posible achegarse e incluso distanciarse minimamente no marcador, pero por causa de indecisións das locais no tramo final do set, propiciou que se o anotaran as de Padrón por 22-25.

O segundo parcial foi un calco do anterior, pero con diferente desenlace, xa que as nosas estiveron mais atentas no tramo final, e lograron devolverlle o 25-22 anterior.

As Cadetes logran a primeira vitoria

O feito de gañar este parcial, deulles confianza e a partires de aí melloraron o seu xogo, motivadas e animosas realizaban numerosas xogadas completas de xeito óptimo, apoiadas polo saque, resultáballes as visitantes unha lousa moi pesada, que tentaban resolver en moitos casos de xeito precipitado enviando bolas o segundo e incluso o primeiro toque. As de Boiro mais ordenadas e atentas, as collían na maior parte das veces, e conseguían abrir brecha no marcador, tanto no terceiro coma no cuarto set, para gañalos con bastante solvencia por 25-15 e 25-14. E certificaren así unha primeira vitoria mais que merecida.

XOGARON:MINERVA VÁZQUEZ, MIRIAM PÉREZ, CLAUDIA GÓMEZ, EVA REGADES, ANAIS CASTRO e LARA RODRÍGUEZ. Tamén dispuxeron da súa oportunidade AINHOA SANTOS e VERA RODRÍGUEZ

A vindeira semana as Cadetes viaxan a comarca de Ferrol para se enfrontar o NARÓN VOLEA.

  

LIGA ZONAL XUVENIL FEMININA

CLUB VOLEIBOL ATLÉTICO BOIRO – C.V. PADRÓN: 3-0 (25-11/25-12/25-07)

Partido disputado na tarde do Sábado, no que ante a teórica diferenza entre os dous equipos, o Adestrador local optou por facer probas e alternou aliñacións distintas nos tres sets, tamén para darlle a oportunidade de xogar a todas, sobre todo as menos habituais. E o debut de unha Cadete nesta categoría, como é o caso de CLAUDIA GÓMEZ que tivo unha boa actuación no seu primeiro partido coma Xuvenil.

O equipo Xuvenil non tivo ningún problema
 para sumar unha nova vitoria

Ningunha de esas aliñacións tivo problemas para gañar os seus respectivos parciais sen contratempos, debido maioritariamente a incapacidade de poder recibir de xeito óptimo os saques das de Boiro, que vían unha maneira fácil de puntuar mediante este recurso, que serían autentico pesadelo para as visitantes durante todo o partido.

Ante esta prespectiva as xogadoras do Atlético navegaron de xeito plácido cara unha nova vitoria.

XOGARON: CELIA PIÑEIRO, CARLA NINE, CLAUDIA GÓMEZ, MINERVA VÁZQUEZ, EVA REGADES e SARA LOJO. LÍBERO SANDRA CASTAÑO. Tamén xogaron: SILVIA SUÁREZ, REBECA RESÚA, LARA COSTA e ESTHER SÁNCHEZ.

A vindeira semana as Xuvenís non teñen partido, polo que descansan

SEGUNDA DIVISIÓN B

CLUB VOLEIBOL ATLÉTICO BOIRO – C.V. SANTIAGO: 0-3 (13-25/26-28/15-25)

Dúas cuestión foron determinantes para a derrota do equipo Sénior en tres sets, a primeira foi unha serie de imprecisións nos compases iniciais primeiro set, e a segunda cuestión foi o desenlace final no segundo set, un set que puido ser para calquera, pero que o final caeu do lado visitante.

Esas cuestións foron claves para minar a moral das xogadoras locais e entregar un partido a un equipo que se lle había gañado no encontro de ida disputado en Santiago.

Mal partido das Sénior, no que a sorte tampouco
 estivo con elas no segundo set

Aparte das imprecisións iniciais xa descritas anteriormente o comezo do partido, hai que sumarlle os erros en recepción e unha boa defensa por parte do equipo Santiagués. Iso propiciou que se abrise unha brecha no marcador, para que as de Santiago se anotasen de xeito plácido o primeiro set.

No segundo as de Boiro melloraron en tódolos aspectos e veuse un set moi igualado, coa iniciativa no marcador por parte das locais case sempre, ata que no tramo final, as nosas cometeron unha serie de fallos, que as visitantes aprobeitaron para igualar o tanteador, en un final de set de infarto no que os dous equipos tiveron varias oportunidades de cerrar o set, foron as de Santiago as que se levaron o gato a auga e lograron facerse tamén co segundo parcial.

Ante esta contrariedade as locais baixaron os brazos, e entregaron a culler no terceiro set, que as Santiaguesas non tiveron problemas en cerrar, e gañar un partido de xeito merecido.

XOGARON: CELIA PIÑEIRO, ROCIO POUSO, BEGOÑA TREUS, REBECA RESÚA, LIDIA PEREIRAS, MARÍA PEREZ. LÍBEROS: ESTHER SANCHEZ e SANDRA CASTAÑO. Tamén tiveron a súa oportunidade: EVA REGADES, SILVIA SUÁREZ, LARA COSTA e SARA LOJO.

O equipo sénior desprazase para a vindeira semana a Vigo para xogar co BLACK VOLEY VIGO.