Club Voleibol Atlético Boiro

AS XUVENÍS LOGRAN O PASE DE INTER ZONAL COMO PRIMEIRAS E ESTÁN EN DISPOSICIÓN DE LOITAR POLA PRAZA DE ASCENSO A LIGA GALEGA

CONCEPCIÓN ARENAL BURGAS VOLEIBOL – CLUB VOLEIBOL ATLÉTICO BOIRO

0-3 (22-25/17-25/20-25)

Carla tirandose a por unha finta ante a atenta mirada das compañeiras

Vitoria en tres sets do equipo Xuvenil Feminino, que lles serve para clasificarse coma primeiras na Fase Inter Zonal e continuar pelexando polo ascenso de categoría. Nun partido moi ben levado, o disputado o pasado Sábado en Ourense diante do Concepción Arenal Burgas Voleibol, no que en ningún momento o equipo de Boiro foi por debaixo do marcador, maila que as Ourensáns ofreceron bastante resistencia, sobre todo no apartado defensivo.

As Xuvenís en un tempo morto

Os tres sets foron na práctica un calco, as do Atlético cobraban avantaxe dende o principio grazas os erros en ataque das locais, pola contra as nosa con un xogo mais ordenado, e tendo claro como competirlles, levaban a iniciativa con ataques controlados e apoiadas nunha defensa aceptable. Isto propiciaba que se viran xogadas longas dada a boa defensa-recepción das de Ourense, pero sen moitas ideas en ataque, acababan cometendo erros despois de puntos moi disputados.

Estas rendas que tomaban as de Boiro lles servía para chegar o tramo final coa suficiente vantaxe como para non pasaren apuros, pero a garra e o espírito de loita que mostraron as do Concepción Arenal, facíalles achegarse no marcador e axustaren os parciais, pero aínda así non foi suficiente. Cedendo o primeiro por 22-25 e o segundo por 17-25.

Ángela en Recepción

No terceiro set o adestrador de Boiro, sabendo que xa estaban clasificadas polo feito de teren gañado os dous primeiros parciais, decidiu premiar con xogo as xogadoras que foran suplentes, que en todo momento mostraran unha boa actitude animando as titulares. O equipo non acusou estes cambios e puido asinar o terceiro set por 20-25 e gañar o partido pola vía curta 0-3

XOGARON POLO ATLÉTICO BOIRO: CELIA PIÑEIRO, CARLA NINE, LARA COSTA, REBECA RESÚA, EVA REGADES, SARA LOJO. Líberos: SANDRA CASTAÑO e  ESTHER SÁNCHEZ. Tamén xogaron, ANGELA ALVES, SILVIA SUÁREZ e CLAUDIA GÓMEZ.

O equipo Xuvenil agora terá que superar dúas eliminatorias que se antollan complicadísimas contra equipos de Liga Galega, para acadar un ascenso que este ano está mais caro ca nunca dado a nova Normativa aprobada pola Federación Galega de Voleibol que acurta para a vindeira tempada a Liga Galega a dez equipos, en vez dos doce que había ata este ano.

A primeira pedra no camiño será outro equipo Ourensán, o DOMPA GESTIÓN, que se medirán coas nosas nunha eliminatoria a dobre partido, sendo o de ida no P.M. BARRAÑA o 11 de Abril e o de volta en Ourense para a seguinte semana.