luns, 17 de marzo de 2014

PROMOCIÓN DE ASCENSO A LIGA GALLEGA

VOLEIBOL ATLÉTICO BOIRO- CONCEPCIÓN ARENAL BURGAS VOLEI
(20-25/25-22/28-26/25-27/11-15)

Partido disputado na tarde do Sábado no Polideportivo de Barraña, no que ante a importancia do partido, acudiron numerosos siadeiros polos dous bandos, que estiveron todo o tempo animando, feito que propiciou que se vivise un gran ambiente.
O partido caracterizouse en que as defensas se impuxeron os ataques de ámbolos dous equipos, sen que houbese ningunha xogadora que marcara as diferencias nesa faceta.
Comezaron mais centradas as xogadoras Ourensáns no primeiro parcial, con unha defensa férrea que lles permitían contrarrestar todas as accións ofensivas das xogadoras do Atlético, que ante a imposibilidade de puntuar levounas a cometer numerosos erros en ataque, circunstancia que aproveitaron as de Ourense para distanciarse amplamente no marcador, aínda así as locais lograron igualar o marcador a 20 grazas a que axustaron a defensa, con un maior acerto no saque e apoiadas polos ánimos dos siadeiros, que esa tarde estiveron de dez. Pero co marcador igualado, no tramo final, as xogadoras locais  se viron superadas polos nervios e foron incapaces de poder recibir o saque da xogadora numero 8 das visitantes, que non se antollaba para nada complicado, que lles serviu para facer 5 puntos ante a imposibilidade de recibir o saque as xogadoras locais, situando o 20- 25 que lle supoñía o primeiro set as do Burgas.
Ángela Alves na recepción
O segundo set comezou coas xogadoras do Atlético tocadas moralmente, e esa situación propiciou que as Ourensáns se distanciaran en 1-9, facía presaxiar que o set caería do lado visitante novamente, pero as locais apretaron os dentes e reaccionaron no tramo medio, para despegarse no tramo final e conseguir o set por 25-22.
O terceiro parcial caracterizouse por puntos moi largos e disputados, alternativas no marcador, debido a que as defensas se impoñían con claridade os ataques, e ningún dos dous equipos quería dar o brazo a torcer. Nun tramo final de infarto anotáronse as locais o set por 28-26 adiantándose no partido por 2-1
No cuarto, as visitantes comezaron o set un tanto coa moral minada, e mostrábanse erráticas no saque e un tanto dubitativas, e as do Atlético mandando no marcador en todo momento,  pero sen que fora de xeito claro, manténdose as distancias en 3 e 4 puntos. Unha leve reacción das do Burgas nos últimos puntos fixo que se igualara o marcador e o xogo, pero inda así as de Boiro dispuxeron de dúas bolas para o 3-1 e poder pechar o partido con 24-22 a favor, pero foron desaproveitadas ante a ansiedade que lles ocasionou esa posibilidade, e as de Ourense igualaron a 24, novamente se dispuxo de outra oportunidade en un punto longo que parecía que non tería fin, acabou caendo do lado visitante, e os puntos posteriores foron do mesmo xeito, moi disputados e moi longos, no que a sorte estivo de cara das visitantes e situaron o 25-27 que poñía o empate a 2 que abocaba os dous equipos a pelexar no 5º set polo partido.
O quinto set comezou coas do Burgas moi subidas de moral, grazas a vitoria do anterior parcial, no que se vían co partido perdido. Moi animosas, e con mais fe pola vitoria, distanciouse dende o principio no marcador, e fixeron o cambio de campo con 4-8 a favor, despois do mesmo, a situación continuaría igual, unhas xogadoras do Burgas que sumaban puntos con moita facilidade, a pesares de que o adestrador local esgotou os tempos mortos, un Atlético Boiro gris e sen espírito deixou escapar o 5º set ata un 5-14 que resultaba xa definitivo, pero inda así tentaron recortar distancias, e lograron deixar o marcador en 11-15, xa que nunha eliminatoria a dobre partido tódolos puntos contan.
Adiantase o Burgas na eliminatoria, con vitoria a domicilio e tan so 6 puntos de renda para o partido de volta, que fai presaxiar que vai a ser moi disputada, en unha eliminatoria que inda está moi viva, na que calquera pode gañar. O partido de volta disputarase en Ourense o vindeiro Sábado 22. Se desexas saber os resultados do resto de enfrontamentos desta promoción pincha neste enlace  http://www.fgvb.es/competiciones.asp?v=18&torneo=995

Xogaron polo Atlético Boiro: Celia Piñeiro, Carla Nine, Andrea Baña, Rebeca Resúa, Lara Costa, Sara Lojo. Líberos: Sandra Castaño e Noelia Mariño. Tamén xogaron: Ángela Alves e Mayra Resúa e agardaron a súa oportunidade Esther Sánchez e Silvia Suárez.

Ningún comentario:

Publicar un comentario