Resultados desta xornada

Equipo xuvenil feminino na liga zonal xuvenil:

Voleibol Atlético Boiro 0 – 3 Xuvenil Teis B

(11-25/22-25/23-25)

Mal partido o disputado polas nosas rapazas a tarde do sábado no campo local. As nosas xogadoras volveron pecar de excesividad de erros quizás polo feito de saberen que disputarían os play off de ascenso a galega ainda que perdesen ou a lesión de Carmen Gey no anterior partido. 

Mayra Resúa na rede

Fose polo que fose as rapazas comezaron o partido sen a capacidade de concentración suficiente para seren constantes no marcador, permitindo que o equipo visitante levase a vantaxe no marcador só dedicándose a tarea do saque, o cal cando as nosas rapazas conseguían recibir acababan por quedar na rede ou irse fóra por non controlaren o ataque, levandoas a perder o primeiro set por 11-25.

O seguinte set foi moito mellor que o anterior, as do Atlético levantaban os balóns na recepción e pouco a pouco iban realizando alguna que outra xogada pero sen chegar a alcanzar a intensidade suficiente para coller un ritmo que lles levase a arrancarlle un set ao equipo  de Teis, perdendo por un pequeno marxe de 22-25.

O terceiro e derradeiro set foi máis similar ao segundo que ao primeiro, chegando a estaren igualados no marcador ambos equipos, mais non foi o suficiente para intentaren ir a polo cuarto e a mínima foise co equipo vigués que levaba así a revancha á victoria a domicilio que lle serviron as nosas no partido da primeira volta.

Xogaron: Celia Piñeiro, Carla Nine, Mayra Resúa, Rebeca Resúa, Ángela Alves, Sara Lojo, Lara Costa, Silvia Suárez, Andrea Baña, e como líberos Noelia Mariño e Sandra Castaño.

Equipo senior feminino na Segunda Autonómica B:

Voleibol Atlético Boiro 0 – 3 Black Voley Vigo

(24-26/20-25/23-25)

Mellor partido que o do equipo xuvenil foi o disputado polo equipo senior a pesar da derrota e da ausencia da receptora Lidia Pereiras. Non é que as nosas xogadoras tuvesen unha marxe de acerto maior que as súas compañeiras mais foron capaces de non deixar que o equipo visitante se marchase tan fácilmente no marcador como no partido anteriormente disputado.

Ángela Alves na recepción

As rapazas comezaron o partido a un nivel similar ao das súas contrincantes, sen deixar que se distanciasen moito no marcador, ata que, como de costumbre, chegaron a un momento en que comezaron a afloxar en tódolos ámbitos do xogo pero por pouco tempo xa que pronto se volveron a meter no xogo e alcanzaron ao Black Voley non marcador, estando tan igualados que un punto 25 non foi suficiente para que lles levasen o set mais o último erro dese set permiteulle ao equipo visitante levar o primeiro tanto.

O segundo set comezou con máis intensidade chegando a iren as nosas rapazas catro puntos por encima no marcador cun 8-4, o que facía presaxiar que sería un set con mellor resultado que o anterior ainda que ca chegada ao saque dunha das xogadoras do equipo vigués a nosa recepción comezou a flaquear e permiteulles aventaxarse no marcador e conseguir unha vantaxe máis grande da que o equipo local posuía nese momento.

O derradeiro set comezou con cambios drásticos no plantel do equipo local, cambiando a unha das receptoras polo líbero ca esperanza de que este cambio lle dese o empuxon que precisaba o equipo para virse arriba. Pese a eso as rapazas non daban logrado alcanzar o nivel de xogo que demostran en moitos dos adestramentos e ibanse quedando un pouco atrás no marcador, sólo alguna pequena racha de saques lles facía recuperar as ganas por momentos pero sin ser suficiente e deixando que o equipo visitante se levase o set pola mínima.

Xogaron Celia Piñeiro, Carla Nine, María Pérez, Rosana Ramos, Ángela Alves e Ángela Fernández, como líbero Patricia Rodríguez, tamén xogaron Lara Costa, Rebeca Resúa, Mayra Resúa, Andrea Baña e Sara Lojo.