Resultados desta xornada

Mexillón de Ouro Voleibol Rianxo 3 - 0 Club Voleibol Atlético Boiro

(25-18/25-21/27-25)

Mal partido do equipo Xuvenil, no que unha deficiente recepción e o desacerto en ataque condenaron irremediablemente a unha derrota no estreo da Liga ante o equipo Rianxeiro.

Entraron en escena o Sábado pola mañá os dous equipos, cas nosas moi descentradas nos puntos iniciais, e pola contra as de Rianxo saian a querer impoñer o seu ritmo de xogo, isto propiciou que se adiantasen as Locais con un 9-2 que propiciou que levasen o set con comodidade. Reaccionaron as de Boiro, pero cando se deron de conta que estaban nun partido, e empezaron a xogar, xa era demasiado tarde e o Mexillón de Ouro cerrou o parcial con un 25-18 que a postre foron os 7 puntos que lle concederon o principio do set.

O segundo set comezou co xogo igualado por parte dos dous equipos, vivíndose numerosas alternativas no marcador, ata a igualada no punto 20, no que a partir de iso produciuse un punto de inflexión no que as rianxeiras estiveron mais acertadas no apartado de saque e no ataque, principalmente por zona III que situou o 25-21

O adestrador aconsellando as xogadoras

No terceiro set as de Boiro non se querían render, e foi entón cando mostraron a súa mellor cara, mellorando en tódolos aspectos. Iso propiciou que se distanciaran as nosas no marcador de xeito amplo, con diferenzas de 5 a 7 puntos, pero a partires dos 19 puntos, e xa próximas a pechar o parcial, empezaron a conceder puntos de xeito inexplicable debido a falta de oficio que demostra este grupo, facéndoselles cada vez mais difícil o puntuar, a pesares de iso as nosas disfrutaron de 3 oportunidades de pechar o set, que as estragaron de xeito decepcionante mandando o balón fora en tres accións consecutivas, que iso delata unha falla de mentalidade preocupante que as incapacita ante un rival que xa se daba por perdido o parcial. Ante iso as xogadoras locais aceptaron gustosamente o regalo concedido polas nosas, e pecharon o último parcial ante a primeira oportunidade que tiveron con outro ataque enviado a fora polas nosas (como non)

Decepcionante derrota, mais tendo en conta os últimos adestramentos que viñan realizando as Xuvenís, que son incapaces de demostrar sobre o campo ese nivel que se lle presupón vendo os adestramentos.

Outro aspecto negativo é a falla de personalidade do grupo,  hai xogadoras que se tiñan que erexir para liderar o resto do equipo, pero nos momentos da verdade non afrontan a situación e non dan a cara. Tamén chama a atención a falla de alegría a hora de celebrar os puntos, da a sensación de que non gostan de este deporte.

Xogaron polo Club Voleibol Atlético Boiro: Celia Piñeiro, Carla Nine, Sara Lojo, Rebeca Resúa, Ángela Alves, Lara Costa e Sandra Castaño como líbero. Tamén xogaron Esther Sánchez, e as cadetes Eva Regendes e Minerva Vázquez.

Zona Libre Voleibol 3 - 2 Club Voleibol Atlético Boiro

(24-26/25-17/15-25/25-17/15-09)

Despois de unha longa viaxe o Sábado pola tarde, presentábanse as nosas xogadoras sénior en Sarria para xogar contra o equipo local, un combinado que presentaba numerosas carencias de xogo, pero con unha defensa moi férrea e un espírito inquebrantable de loita, que as facía levantar bolas imposibles e xogándose o físico en numerosas ocasións.

Con esas premisas comenzaba o encontro, con unhas xogadoras locais que se atopaban moi comodas asumindo o seu papel defensivo e cedendo totalmente a inciativa de xogo as de Boiro, despois de un primeiro set mandando as locais grazas os erros das nosas,  pero aínda así lograron igualar o tanteador no tramo final, impoñendose as do Atlético pola mínima por 24-26.

Rocío Pouso no saque

No segundo set comezaron bastante desacertadas en recepción e ataque as xogadoras do Atlético, e ante un equipo que vive dos erros contrarios, foi suficiente para que se distanciaran no marcador e pecharen o parcial sen mais historias 25-17.

Mais as cousas cambiaron no terceiro set, as nosas saíron mais confiadas e da man de unha atinada Rocío nas súas accións de ataque, marcaban diferenzas notables con relativa facilidade, ata chegar a un claro 15-25.

No cuarto set as xogadoras locais apretaron en defensa e devolvían todo as nosas, que incapaces de xestionar a inciativa de xogo, remataban por enviar balóns fora despois de xogadas disputadas, iso uneuselle a numerosos fallos en saque e algunha que outra recepción errada, levou o 25-17 que forzaba o 5º set.

Un quinto set que comezaba coas nosas xogadoras agarrotadas e con nervios que lles imposibilitaba coller un saque a priori fácil da Xogadora nº 3 do Sarria que propiciaba o distanciamento inicial que a postre foi definitivo, despois de unha leve reacción por parte das nosas, cambiouse de campo con 8-5 a favor das locais, e despois de un par de erros en recepción por parte das nosas e mais un par de xogadas disputadas que caeron do lado local, chegaron as de Sarria con unha avantaxe considerable ata os puntos finais e pechar o 5º set e a vez un partido moi disputado.

O susto da tarde propiciouno a xogadora local nº 3 que nun dos últimos puntos do partido que foi moi reñido deuse un forte golpe, batendo coa cabeza contra o chan, despois de tropezar contra unha xogadora do mesmo equipo. Afortunadamente quedou nun susto e despois de uns minutos co xogo parado puido sair da pista polo seu propio pe axudada polas súas compañeiras.

Hai que destacar o debut de Begoña, unha rapaza que comenzaba este verán con nos e que xogaba por primeira vez un partido oficial de Voleibol, tendo unha meritoria actuación tendo en conta o pouco tempo que leva practicando este deporte.

Tamén se produciu o debut da xuvenil Esther en categoría Sénior, xogando de Líbero, tendo unha boa actuación por momentos.

Xogaron polo Club Voleibol Atlético Boiro: Celia Piñeiro, Rocío Pouso, Begoña Treus, Lara Costa, Sara Lojo, María Pérez e Esther Sánchez como líbero. Tamén xogaron Patricia Rodríguez e Rebeca Resúa.

Para a vindeira semana tódolos equipos das distintas categorías do noso Club disputaran os seus respectivos encontros na cancha do Xiria en Carballo.