Resultados da xornada disputada o sábado 17

Equipo cadete feminino la Liga Zonal Cadete:

Voleibol Atlético Boiro 0 - 3 A. D. Xiria Volei

(21-25/19-25/15-25)

As cadetes na recepción

A pesares da clara derrota, as cadetes non ofreceron un mal xogo no partido xogado na tarde do Sábado en Barraña. O que inclinou a balanza do lado visitante foi a falta de constancia no apartado de saque- recepción, que nestas categorías a postre, termina sendo determinante no desenlace dos partidos, fora de iso, nas nosas vaise notando unha melloría a hora de enlazar xogadas completas, púidose ver durante o partido, xa varias accións de xogo que terminaron con remate positivo para as nosas, destacando nese aspecto Claudia Gómez, que conseguiu materializar varios remates durante o encontro. Malia iso e mais os puntos que aportaron, tanto ela coma Eva Regades en saque, que sobre todo a segunda logrou encadear varias rachas de aces durante o encontro, non serviu para que o Xiria se anotase o partido merecidamente.

Seguen coa súa aprendizaxe en competición o grupo cadete, un equipo que lle fai falla mais rodaxe para poder competir, xa que lembremos que a maior parte das súas compoñentes non levan nin un ano neste deporte, e varias de elas aínda están en idade Infantil. Se seguen nesta liña, con traballo e tempo, de seguro que se logrará un bo equipo.

Xogaron Minerva Vázques, Anais Castro, Lara Rodríguez, Ainhoa Santos, Claudia Gómez e Eva Regades. Tamen dispuxo do seu momento Miriam Pérez.

Equipo xuvenil feminino na Liga zonal xuvenil:

Voleibol Atlético Boiro 3 - 2 A. D. Xiria Gestiver

(10-25/25-08/23-25/25-18/15-10)

Partido caracterizado pola irregularidade dos dous equipos, no que as de Boiro lograron facerse co mando do partido nos dous últimos parciais, para anotar a súa segunda vitoria consecutiva neste 2015.

Equipo senior na defensa

Comezaron mal as nosas, moi erráticas no xogo, sobre todo no apartado do ataque, que as faría cometer unha gran cantidade de erros. Pola contra as visitantes, sen arriscar as súas accións, con un xogo mais seguro, lograron dende o principio unha avantaxe ampla que se iría aumentando ata o final. 10-25.

No segundo set cambiaron as tornas, e eran as locais que xogaban con mais acerto, logrando mais efectividade no remate e case non cometían erros de ningún tipo. Xunto con unha defensa excelente, foron quen de contestar con rotundidade a desfeita do primeiro set, anotándose o segundo parcial por un incuestionable 25-08.

O terceiro set comezou con un parcial de 0-5 a favor das visitantes, grazas a un saque por parte da número 14, que as nosas eran capaz de recibir de xeito óptimo, unha vez saídas de esa situación, instaurouse a igualdade no xogo, pero con unha vantaxe desfavorable para as locais, a pesar de iso, foron recortando pouco a pouco o longo do parcial ata chegar a igualarse o tanteador no tramo final, pero foi entón cando os nervios fixeron presenza no equipo local, e novamente con imprecisións no ataque, concederon o terceiro set as de Carballo, nun final apretado 23-25, que situaba o 1-2 no marcador.

A partires de iso foron as de Boiro mostraron a súa mellor versión de xogo, e facéndose co mando do partido no cuarto set. Con unha moi boa defensa, un saque efectivo, e sen erros no ataque, lograron xa dende o principio unhas rendas moi amplas durante todo o parcial de 6-0, 10-01,17-07 chegando o 24-14, que maquillaron as visitantes o marcador retrasando o último punto ata un 25-18.

Esta vitoria deulles confianza as de Boiro para afrontar o quinto set, e xa dende un principio víanse a todas convencidas da vitoria, esa sensación deulles alas e se foron o cambio de campo con 8-4 a favor, e moi animosas chegaron ata o 15-10 que pechaba un encontro moi irregular pero a vez moi disputado.

Hai que destacar neste partido o xogo aportado por Sara Lojo, que segundo as necesidades do equipo tivo que xogar en dous postos distintos, central e receptora, e nos dous puido render de xeito óptimo axudando o seu equipo.

Tamén cabe destacar a xogadora do equipo Cadete en idade Infantil, Eva Regades, que a pesares da súa xuventude e de xogar con rapazas de 4 a 5 anos maiores, sempre aporta algo en tódolos partidos, chegando a facerse notoria a súa presenza en moitas ocasións.

Xogaron Celia Piñeiro, Carla Nine, Lara Costa, Rebeca Resúa, Eva Regades, Sara Lojo, como líberos Sandra Castaño e Esther Sánchez. Tamén dispuxeron da súa oportunidad Silvia Suárez e Minerva Vázquez.

Equipo senior feminino na Segunda autonómica B:

Voleibol Atlético Boiro 0 - 3 A. D. Xiria Cervantes

(13-25/18-25/21-25)

Vitoria incuestionable das líderes da competición, ante unhas xogadoras de Boiro coas ausencias das Sénior Rocío Pouso, María Pérez e Andrea Baña, por motivos de estudios, formouse un equipo composto case na totalidade por xuvenís, que non puideron facer nada para evitar a derrota, que a excepción do primeiro set, ofreceron un bo xogo, chegando a plantar cara o equipo de Carballo, en algún tramo do partido.

O primeiro set comezou de xeito desastroso para as locais, ante un saque do Xiria que eran incapaces de recibir as nosas a causa dos nervios. Isto propiciou unha desfeita no marcador inicial de 01-10, a partires de iso as locais recuperarían parcialmente o seu xogo, e produciuse un intercambio de puntos no que as visitantes navegaron comodamente ata o 13-25.

O equipo senior na recepción

No segundo parcial as nosas reaccionarían e mostraron unha boa imaxe, con un xogo moi alegre, e de calidade, lles serviu para ir mandando no marcador en 3 e 4 puntos ata o tramo medio, no que as visitantes, con un maior oficio e experiencia, lograrían igualar e distanciarse no tramo final ata un 18-25.

O terceiro set foi un calco do segundo, moi bo xogo das de Boiro, que incluso lles permitiu gozar de rendas mais grandes, chegando a ter un 15-09, que a partires de entón foron recortando pouco a pouco, con paciencia e moi seguras de si mesmas as visitantes, nestas trazas chegouse a unha igualada a 20 no tramo final, cando as visitantes volveron a tirar de veteranía e oficio para anotarse o terceiro parcial e pechar o partido con un 21-25.

Xogaron Celia Piñeiro, Carla Nine, Lara Costa, Rebeca Resúa, Lidia Pereiras e Sara Lojo, como líberos actuaron Esther Sánchez e Sandra Casstaño. Tamen xogaron Begoña Treus, Eva Regades e Silvia Súarez.

A vindeira semana os nosos equipos desprázanse a San Sadurniño para disputar os seus respectivos encontros.